【台語世界】天光

文／黃苡晴 (國中生)

日頭寬寬peh上山
目chi̍t𥍉
為大地疊chi̍t領金色ê薄衫

殕色ê露水
透濫
金色ê絲線
烏暗 寬寬
bô影
bô跡

khóng色ê天
 niáu-chhú色ê明
  kim-n̂g色ê光
   chúi色ê清

五彩ê色水
chi̍t筆chi̍t筆
畫chhut
滿滿ê希望
飽和ê色緻
chi̍t劃chi̍t劃
畫chhut
濟濟ê動力
媠氣ê未來

展開
一工ê
精采絕倫

台灣字（白話字）版

Ji̍t-thâu khoaⁿ-khoaⁿ peh chiūⁿ soaⁿ
Ba̍k chi̍t nih
Ūi tāi-tē tha̍h chi̍t-niá kim-sek ê po̍h-saⁿ

Phú-sek ê lō͘-chúi
Thàu-lām
Kim-sek ê si-sòaⁿ
O͘-àm khoah-khoah
Bô iáⁿ
Bô jiah

Khóng-sek ê thiⁿ
  Niáu-chhú sek ê bêng
   Kim-n̂g sek ê kng
    Chúi-sek ê chheng

Ngó͘-chhái ê sek-chúi
Chi̍t-pit chi̍t-pit
Ōe chhut móa-móa ê hi-bāng
Pá-hô ê sek-tì
Chi̍t-ōe chi̍t-ōe
Ōe chhut
Chē-chē ê tōng-la̍t
Súi-khùi ê bī-lâi

Tián-khui
Chi̍t-kang ê
Cheng-chhái choa̍t-lûn