İstanbul escort bayan sivas escort samsun escort bayan sakarya escort Muğla escort Mersin escort Escort malatya Escort konya Kocaeli Escort Kayseri Escort izmir escort bayan hatay bayan escort antep Escort bayan eskişehir escort bayan erzurum escort bayan elazığ escort diyarbakır escort escort bayan Çanakkale Bursa Escort bayan Balıkesir escort aydın Escort Antalya Escort ankara bayan escort Adana Escort bayan

- Advertisement -spot_img
19.7 C
Taiwan
2024 年 4 月 13 日
spot_img

【山巨源專欄】清潔能源阻礙全球經濟發展?

聯合國為第七個可持續發展目標(SDG 7)制定的2030年目標非常明確:...

【洪存正專欄】衛星太多,威脅天文學的生存

《科學美國人》麗貝卡·博伊爾 (Rebecca Boyle )最新的報導...

勞動部外籍看護政策的亂象

文 / 張姮燕 從2020年新冠情爆發以來,因為家庭中有重症、罕病...

【王半山專欄】「全球領導力」是中國夢?「暈船症」?...

中國共產黨近幾十年來毫不含糊地大膽地將中國置於國際體系中的「應有地位」。...
-Advertisement-spot_img

【台語世界/錄音】臆墓粿

- Advertisement -spot_imgspot_img
- Advertisement -spot_img

文、錄音/蘇晏德 So͘ , Iàn Tek

Tī台灣過去有真濟風俗民情,lóng代表咱對祖先ê追思kah敬重,這種傳統文化值得咱保留hām珍惜,雖罔講古早人有一寡民俗無一定tī現此時有ha̍h-ēng,古早人檢采無讀真濟冊,m̄-koh咱千萬m̄-thang看輕in ê智慧,像24節氣著是先民對生活看大自然運轉ê重要指標,Tī工商社會ta̍uh-ta̍uh-á消失ê風俗著親像失落ê歲月迷航ê青春。最近駛車經過墓仔埔,tī頭殼碗雄雄浮出囡仔時代漸漸模糊ê記持,he著是臆墓粿,會記得細漢ê時清明節是咱人三月初三,m̄是新曆ê四月初五,tī 1975年四月初五蔣介石過身chiah改新曆四月初五是清明節。

講著臆墓粿每一个所在進行ê過程有淡薄仔無仝,阮老爸kah阿媽lóng埋tī阮厝附近ê墓埔仔,因為生活方式ê改變,這馬chia-ê墓仔埔lóng遷徙開路ah。細漢ê時若到清明前後攏有人teh培墓,以前beh去墓仔埔ê小路lóng是石頭仔路,有人牽牛tī墓仔埔食草踳踏,培墓ê人會叫牽牛囡仔kah來看鬧熱ê囡仔兄囡仔姊來臆墓粿。臆墓粿除了增加培墓ê趣味性,另外一項意義通講是beh安搭牽牛囡仔m̄-thang踳踏主人ka ê墓地。通常主人會準備紅龜粿、草仔粿、發粿、銀角仔…,主人ka會講:囡仔兄囡仔姊來臆看墓內ê公媽是查埔- -ê抑是查某- -ê,因為tī hit-ê時代細漢囡仔普遍tek猶未讀冊m̄-bat字,só͘-pái看無墓牌所刻ê字寫啥物?我hām其他ê囡仔靠運氣烏白臆,若臆著tō有粿通食,所以叫做臆墓粿,若臆無著主人會講m̄-tio̍h閣臆一擺,真明顯che著是放水beh安搭囡仔,第二擺若臆著主人mā會送囡仔墓粿。有hó-khang- -ê會鬥相報,kho͘一大陣囡仔做伙來臆墓粿,致使主人ka ê粿分無夠,這時會用銀角仔分hō͘臆墓粿ê囡仔,逐个圓滿lóng無輸贏,透過這个民俗活動連絡感情,順續teh提醒牽牛囡仔以後若牽牛對chia經過,愛kā過往ê人致意,千萬m̄-thang踳踏神聖ê墓地。

有新ê文化出現,著有舊ê傳統漸漸消失,細漢ê時陣m̄-bat代誌,會感覺為啥物beh kā祭品分hō͘生份人,這馬大漢chiah知影臆墓粿是hō͘咱會曉憐憫分享,逐个互相讓一步,好額人願意分享,散赤人mā通食一頓飽,這是咱台灣人一種互相分享美好ê風俗文化。

台灣字(白話字)版
Ioh bōng-kóe

Tī Tâi-oân kòe-khì ū chin-chē hong-sio̍k bîn-chêng, lóng tāi-piáu tùi chó͘-sian ê tui-su kah kèng-tiōng, chit-chióng thoân-thóng bûn-hòa ta̍t-tit lán pó-liû hām tin-sioh. Sui-bóng kó͘-chá lâng ū chi̍t-kóa bîn-sio̍k bô it-tēng tī hiān-chhú-sî ha̍h-ēng. Kó͘-chá lâng kiám-chhái bô tha̍k chin-chē chheh, m̄-koh lán chhian-bān m̄-thang khòaⁿ khin in ê tì-hūi. Chhiūⁿ 24 cheh-khùi tio̍h-sī sian-bîn tùi seng-oa̍h khòaⁿ tāi-chū-jiân ūn-choán ê tiōng-iàu chí-piau, Tī kang-siong siā-hōe ta̍uh-ta̍uh-á siau-sit ê hong-sio̍k tio̍h chhin-chhiūⁿ sit-lo̍h ê sòe-goa̍t bê-hâng ê chheng-chhun. Chòe-kīn sái-chhia keng-kòe bōng-á-po͘, tī thâu-khak-óaⁿ hiông-hiông phû chhut gín-á sî-tāi chiām-chiām bô͘-hô͘ ê kì-tî, he tio̍h-sī ioh bōng-kóe. Ē-kì-tit sè-hàn ê sî Chheng-bêng-cheh sī lán-lâng 3 goe̍h chhe 3, m̄-sī sin-le̍k ê 4 goe̍h chhe 5. Tī 1975 nî 4 goe̍h chhe 5 Chiúⁿ, Kài Se̍k kòe-sin chiah kái sin-le̍k 4 goe̍h chhe 5 sī Chheng-bêng-cheh.

Kóng tio̍h ioh bōng-kóe múi chi̍t-ê só͘-chāi chìn-hêng ê kòe-têng ū tām-po̍h-á bô-kâng. Goán lāu-pē kah a-má lóng tâi tī goán chhù hū-kīn ê bōng-á-po͘. In-ūi seng-oa̍h hong-sek ê kái-piàn, chit-má chia-ê bōng-á-po͘ lóng chhian-sóa khui-lō͘ ah. Sè-hàn ê sî nā kàu Chheng-bêng-cheh chêng-āu lóng ū lâng teh pōe-bōng. Í-chêng beh khì bōng-á-po͘ ê sió-lō͘ lóng-sī chio̍h-thâu-á lō͘. Ū lâng khan-gû tī bōng-á-po͘ chia̍h chháu thún-ta̍h. Pōe-bōng ê lâng ē kiò khan-gû gín-á kah lâi khòaⁿ nāu-jia̍t ê gín-á hiaⁿ gín-á ché lâi ioh bōng-kóe, ioh bōng-kóe tû-liáu cheng-ka pōe-bōng ê chhù-bī-sèng, lēng-gōa chi̍t hāng ì-gī thang kóng sī beh an-tah khan-gû gín-á m̄-thang thún-ta̍h chú-lâng-ka ê bōng-tē. Thong-siông chú-lâng ē chún-pī âng-ku-ké, chháu-á-ké, hoat-kóe, gîn-kak-á…, chú-lâng-ka ē kóng, “Gín-á hiaⁿ gín-á ché lâi ioh khòaⁿ bōng lāi ê kong-má sī cha-po͘- -ê á-sī cha-bo͘- -ê. In-ūi tī hit-ê sî-tāi sè-hàn gín-á phó͘-phiàn tek iáu-bōe tha̍k-chheh m̄-bat jīe. Só͘-pái khòaⁿ bô bōng-pâi só͘ khek ê jī siá siáⁿ-mi̍h? Góa hām kî-tha ê gín-á khò ūn-khì o͘-pe̍h ioh, nā ioh tio̍h tō ū kóe thang chia̍h, só͘-í kiò-chò ioh bōng-kóe; nā ioh m̄-tio̍h chú-lâng ē kóng m̄-tio̍h koh ioh chi̍t pái. Chin bêng-hián che tio̍h-sī pàng-chúi beh an-tah gín-á, tē-jī pái nā ioh tio̍h chú-lâng mā ē sàng gín-á bōng-kóe. Ū hó-khang- -ê ē tàu sio-pò, kho͘ chi̍t-tōa-tui gín-á chò-hóe lâi ioh bōng-kóe, tì-sú chú-lâng-ka ê kóe pun bô-kàu. Chit-sî ēng gîn-kak-á pun hō͘ ioh bōng-kóe ê gín-á, ta̍k-ê oân-boán lóng bô su-iâⁿ. Thàu-kòe chit-ê bîn-sio̍k oa̍h-tāng liân-lo̍k kám-chêng, sūn-sòa teh thê-chhéⁿ khan-gû gín-á í-āu nā khan-gû tùi chia keng-kòe, ài kā kòe-óng ê lâng tì-ì, chhian-bān m̄-thang thún-ta̍h sîn-sèng ê bōng-tē.

Ū sin ê bûn-hòa chhut-hiān, tio̍h ū kū ê thoân-thóng chiām-chiām siau-sit. Sè-hàn ê sî-chūn m̄-bat tāi-chì, ē kám-kak ūi-siáⁿ-mi̍h beh kā chè-phín pun hō͘ chheⁿ-hûn lâng? Chit-má tōa-hàn chiah chai-iáⁿ ioh bōng-kóe sī hō͘ lán ē-hiáu lîn-bín hun-hióng, ta̍k-ê hō͘-siong niū chit pō͘: hó-gia̍h lâng goān-ì hun-hióng, sàn-chhiah lâng mā thang chia̍h chi̍t tǹg pá. che-sī Tâi-oân-lâng chi̍t-chióng hō͘-siong hun-hióng bí-hó ê hong-sio̍k bûn-hòa.

讀hōo你聽

本文僅代表作者立場,不代表本平台立場

分享文章

Facebook Comments 文章留言

- Advertisement -spot_img
編輯中心
編輯中心https://vigormedia.tw/
銳傳媒 編輯中心 https://vigormedia.tw/

Latest news

Related news