İstanbul escort bayan sivas escort samsun escort bayan sakarya escort Muğla escort Mersin escort Escort malatya Escort konya Kocaeli Escort Kayseri Escort izmir escort bayan hatay bayan escort antep Escort bayan eskişehir escort bayan erzurum escort bayan elazığ escort diyarbakır escort escort bayan Çanakkale Bursa Escort bayan Balıkesir escort aydın Escort Antalya Escort ankara bayan escort Adana Escort bayan

- Advertisement -spot_img
21.9 C
Taiwan
2024 年 5 月 18 日
spot_img

【嵇叔夜專欄社交媒體會讓選民兩極分化嗎?

《科學》期刊最新發表的<社交媒體會讓選民兩極分化嗎?針對 Face...

【稽叔夜專欄】聖嬰現象對現代世界的深遠氣候影響

文 / 稽叔夜 去年夏天,歐洲破紀錄的高溫造成近 62,000 人悲慘...

【吳演茂禪修心得】貓步

禪堂內護義工,有點像日本忍者,必須要消除聲音氣味存在的痕跡。絕不能讓禪眾...

【曾子固專欄】俄羅斯如何全球化烏克蘭戰爭

文 / 曾子固 俄羅斯的戰爭全球化戰略具有多個層面。在經濟關係中,莫斯...
-Advertisement-spot_img

【台語世界/錄音】Kiu水ê記持

- Advertisement -spot_imgspot_img
- Advertisement -spot_img

文、錄音/阿珍(A-Chin) (退休國小老師)
Chûn- -年beh倚舊曆年ê某一工,我ê好朋友Amy tī旗后天后宮領著一本(2022)舊年臺灣天后宮ê廟印收集簿。簿仔內底總共有50頁,註明全臺灣媽祖宮其中ê一百間。Chia ê媽祖宮會提供廟印hō͘信徒tǹg印仔做紀念,sūn-sòa吸引信徒去參拜添油香。Che是chit幾年來一年一 pái ê活動,到四月底截止,拄好tī全臺灣beh開始siáu扛佛轎迎媽祖ê進前結束。

Amy知影我是老臺南人,招我kap伊做陣去走chhōe臺南ê媽祖宮。我一聲著kā答應,m̄是我路草比伊較熟,是我家己mā想beh趁機會好好仔認bat一下仔大臺南地區。講實在,真濟所在我干焦bat聽過地名,m̄-bat行踏- -過。

就按呢,阮時間chhiâu好勢著起行。照計畫,阮彼工出門一路總共beh走揣六間媽祖宮。Amy負責駛車,我負責看google map kā報路。我先想mā想bē到阮beh走揣ê頭一間媽祖宮,竟然是石仔瀨阮外媽兜門跤口彼間天后宮。Chit ê所在我已經40外年m̄-bat踏跤到,到taⁿ才知影細漢常在tī hin 廟埕耍ê這間廟服祀- -ê是媽祖婆,實在有影真hàm古。

車一駛入庄仔內ê細條路,我頭殼底囡仔時代ê記持著開始bùn- -出來。透中晝,日頭當炎,路裡無啥物人,規ê庄頭恬chiuh-chiuh。遠遠著看著彼ê beh衝起khì廟埕ê崎,崎頂倒手pêng彼欉大欉榕,我猶會認得。Chit ê我細漢著熟似ê所在,路草地形lóng無啥物變化。Chit陣手裡若有一張chit ê所在早前ê老相片,thang kap眼前ê景緻做一下á 對照,定著bē走精- -去。

車駛起khì到廟埕,阮才知影廟當leh重起。Amy kā車停tiàm大欉榕下kha,阮落車khiā tiàm涼涼ê樹蔭裡,斟酌看廟埕四箍輪轉ê環境。新廟粗胚ê結構已經完成矣,he規模比早前- -ê加真大,看起來真雄偉。廟埕以早有一ê戲台,已經無看見ah。廟埕看- -起來mā變khah小,好親像kiu水去仝款。M̄知是大廟起起來ê關係,抑是囡仔時代目睭所看著ê物件lóng比大人看著- -ê較大模。

廟埕四周圍ê情景kap建築物已經改變真濟,看起來不止仔生疏。古早外公ê雜貨仔店已經改做大賣,是用鐵厝tah- -ê。留存tī我心肝íⁿ仔內底ê記持,hō͘我淡薄仔siàu-liām細漢ê時bat tī chia出入行踏度假ê日子。

Amy 陪我tī榕仔kha khiā有一睏,阮才做陣oat入去媽祖婆暫時安奉ê鐵厝內底點香參拜。阮廟印tǹg好行- -出來,我koh回頭看一仔彼間生份ê大賣店,才上車離開chit ê早著路頭斷ê所在。

台灣字(白話字)版
Kiu-chúi ê Kì-tî

Chûn- -nî beh oá kū-le̍k nî ê bó͘ chi̍t kang, goá ê hó pêng-iú Amy tī Kî-āu Thian-hiō-kiong niá tio̍h chi̍t pún kū-nî (2022) Tâi-oân Thian-hiō-kiong ê biō-ìn siu-chi̍p-phō͘. Phō͘-á lāi-té chóng-kiōng ū 50 ia̍h, chù-bêng choân Tâi-oân Má-chó͘-keng kî-tiong ê chi̍t pah keng. Chia ê Má-chó͘-keng ē thê-kiōng biō-ìn hō͘ sìn-tô͘ tǹg ìn-á chò kì-liām, sūn-soà khip-ín sìn-tô͘ khì chham-pài thiam iû-hio͘. Che sī chit kúi-nî lâi chi̍t-nî chi̍t-pái ê oa̍h-tāng, kàu sì-goe̍h té cha̍h-chí, tú-hó tī choân Tâi-oân beh khai-sí siáu kng pu̍t-kiō ngiâ Má-chó͘ ê chìn-chêng kiat-sok.

Amy chai-iáⁿ goá sī lāu Tâi-lâm lâng, chio goá kap i chò-tīn khì cháu-chhoē Tâi-lâm ê Má-chó͘-keng. Goá chi̍t siaⁿ tio̍h kā tah-èng, m̄-sī goá lō͘-chháu pí i khah se̍k, sī goá ka-kī mā siūⁿ beh thàn ki-hoē hó-hó-á jīn-bat chi̍t-ē-á toā Tâi-lâm tē-khu. Kóng si̍t-chāi, chin chē só͘-chāi goá kan-taⁿ bat thiaⁿ koè tē-miâ, m̄-bat kiâⁿ-ta̍h- -koè.

Chiū án-ne, gún sî-kan chhiâu hó-sè tio̍h khí-kiâⁿ. Chiàu kè-oē, gún hit-kang chhut-mn̂g chi̍t-lō͘ chóng-kiōng beh cháu-chhoē la̍k keng Má-chó͘-keng. Amy hū-chek sái-chhia, goá hū-chek khoàⁿ google map kā pò-lō͘.

Goá sian siūⁿ mā siūⁿ bē kàu gún beh cháu-chhoē ê thâu chi̍t keng Má-chó͘-keng kèng-jiân sī Chio̍h-á-loà gún goā-má tau mn̂g-kha kháu hit-keng Thian-hiō-kiong. Chit ê só͘-chāi goá í-keng sì-cha̍p goā nî m̄-bat ta̍h-kha-kàu. Kàu-taⁿ chiah chai-iáⁿ sè-hàn chhiâng-chāi tī hin biō-tiâⁿ sńg ê chit keng biō ho̍k-sāi- -ê sī Má-chó͘-pô, si̍t-chāi ū-iáⁿ chin hàm-kó͘.

Chhia chi̍t sái ji̍p chng-á-lāi ê sè-tiâu lō͘, goá thâu-khak té gín-á sî-tāi ê kì-tî tio̍h khai-sí bùn- -chhut-lâi. Thàu tiong-tàu, ji̍t-thâu tng iām, lō͘- -nih bô siáⁿ-mih lâng. Kui ê chng-thâu tiām-chiuh-chiuh. Hn̄g-hn̄g to̍h khoàⁿ tio̍h hit ê beh chhèng khí-khì biō-tiâⁿ ê kiā. Kiā téng tò-chhiú-pêng hit-châng toā-châng chhêng, goá iáu ē jīn- -tit. Chit ê goá sè-hàn to̍h se̍k-sāi ê só͘-chāi, lō͘-chháu tē-hêng lóng bô siáⁿ-mih piàn-hoà. Chit chūn chhiú- -nih nā-ū chi̍t tiuⁿ chit ê só͘-chāi chá-chêng ê lāu siòng-phìⁿ, thang kap gán-chêng ê kéng-tì chò chi̍t ē-á tùi-chiàu, tiāⁿ-tio̍h bē cháu-cheng- -khì.

Chhia sái khí-khì kàu biō-tiâⁿ, gún chiah chai-iáⁿ biō tng leh têng-khí. Amy kā chhia thêng tiàm toā-châng chhêng ē-kha, gún khiā tiàm liâng-liâng ê chhiū-ńg- -nih, chim-chiok khoàⁿ bio-tiâⁿ sì-kho͘-liàn-tńg ê khoân-kéng. Sin biō chho͘-phoe ê kiat-kò͘ í-keng oân-sêng ah. He kui-bô͘ pí chá-chêng- -ê ke chin toā, khoàⁿ- -khí-lâi chin hiông-úi. Biō-tiâⁿ í-chá ū chi̍t ê hì-tâi, í-keng bô khoàⁿ-kìⁿ ah. Biō-tiâⁿ khoàⁿ- -khí-lâi piàn khah sió, hó chhin-chhiūⁿ kiu-chúi- -khì kâng-khoán. M̄-chai sī toā-biō khí- -khí-lâi ê koan-hē, á-sī gín-á sî-tāi ba̍k-chiu só͘ khoàⁿ tio̍h ê mi̍h-kiāⁿ lóng pí toā-lâng khoàⁿ tio̍h- -ê khah toā-bô͘.

Biō-tiâⁿ sì chiu-ûi ê chêng-kéng kap kiàn-tio̍k-bu̍t í-keng kái-piàn chin chē, khoàⁿ- -khí-lâi put-chí-á chheⁿ-so͘. Kó͘-chá goā-kong ê cha̍p-hoè-á-tiàm í-keng kái chò toā bē, sī iōng thih-chhù tah- -ê. Lâu-chûn tī goá sim-koaⁿ íⁿ-á lāi-té ê kì-tî, hō͘ goá tām-po̍h-á siàu-liām sè-hàn ê sî bat tī chia chhut-ji̍p kiâⁿ-ta̍h tō͘-ká ê ji̍t-chí.

Amy poê goá tī chhêng-á kha khiā ū chi̍t khùn, gún chiah chò-tīn oat ji̍p-khì Má-chó͘-pô chiām-sî an-hōng ê thih-chhù lāi-té tiám-hio͘ⁿ chham-pài. Gún biō-ìn tǹg hó kiâⁿ- -chhut-lâi, goá koh hoê-thâu khoàⁿ chi̍t ē-á hit-keng chheⁿ-hūn ê toā-bē-tiàm, chiah chiūⁿ-chhia lî-khui chit ê chá tio̍h lō͘-thâu tn̄g ê só͘-chāi.

讀hōo你聽

本文僅代表作者立場,不代表本平台立場

分享文章

Facebook Comments 文章留言

- Advertisement -spot_img
編輯中心
編輯中心https://vigormedia.tw/
銳傳媒 編輯中心 https://vigormedia.tw/

Latest news

Related news