要復/koh死幾人，恁才甘願？

話頭：
大埔！大埔？台灣攏總有幾位？
『大埔事件』發生佇佗位？
大埔！大埔！台灣真濟位！
『大埔事件』發生佇苗栗

苗栗大埔   到底發生啥代誌？
電視  電台這間播  彼間播！
苗栗大埔  一個本成無幾個人知的所在！
連網路也尋未著半筆資料的所在！
竟然在2010年的六月初 名聲洶洶大響！
相連續幾偌工  上新聞頭版頭條！
講起來–是人善被人欺啦！
無事無白，半暝出一個「月」啦！

第一幕
2010年6月初9
透早，天未光
一台大怪手，駛入來！！！
一堆警察也到位？？？
善良農民，逐咧！逐咧！
喝：擋咧！田地是私人財產！稻子是我的生命！恁無權利~~~~~~~~~~~~~
怪手司機若像食著好膽藥仔
完全無咧信！啥物攏毋驚！
嘎落！嘎落！下性命嘎(khat)
一大片青青翠翠 已經會當收成的稻子
挖到爛爛爛！糊糊糊！醬醬醬！
青翠的稻子，無去啊！
彼是農民的血！汗！
一大片的稻子，二三下手攏總無去啊！
講啥物『人民財產私有制』！
這是啥物製？？？
這是啥物政府？？？
苗栗縣無政府~~~~~~~~~~~~~~~~~~~~~~~~~~~~~~~~~~~~~~~~
一甲田  二十萬的收入  無去啊！
田莊阿伯仔  氣到欲中風！
明明是已經會當收成的稻子
抵著起痟狂的殺手
猶是惡運難逃！
台灣的政府迫害農民！！！
連國際媒體CNN也轉播即條新聞
是佗一個藏鏡人下令？
農民無端受災殃！
含冤受屈無地講！
啥人手法即粗殘？
啥人手法即狼毒？
是啥人？啥人？
阮只想欲安份守己 過日子！
恁講：無即條理！
想欲日出而作  日落而息
頂頭的講：我聽你咧唱曲！
有一個專門研究台灣土地法的教授講：
全國人口  明明一年一年減
都市計畫  煞顛倒一年一年擴大
這種政策到底好著啥人？

第二幕
2010年6月中旬
大埔村的農民成立一個”自救會”
大聲喝出：田園是我的命，你要我的田就是要我的命！！！
還我農地！還我田園！還我的命~~~~~~~~~~~~~~~~~~~~~
同業、學者、善心人士…………………….
攏 聽著被害人哀叫的聲！
開始加    贊聲！
替   出聲！
成立部落格！   
無幾工  點看的人  超過一百萬
殺手知影代誌大條啊！
青狂咧消音！無閒咧解說！
講伊有辦二十場的公聽會
結果受災戶 無人參加！
伊到底參啥人開會？
擱牽拖一堆有的無的
講到若像伊才是被害者！

第三幕
2010年7月17
真正的被害者 
想講  做欲歸百年的田
睏猶未天光  就予人踐掉去   
愈想愈驚
驚續落半暝睏到一半  厝會無去
愈睏愈未安穩
歸氣 莫滯厝內睏
招招咧來去總統府門口睏
睏予頂頭的知 
睏予老大的看
後知後覺的老大的！竟然拖到這陣才知『大事不妙』！

第四幕
過5工7月22
老大的–派幾個官員出席記者會
位階上懸的是吳老二  伊體格真好 骨頭也真軟！
上本房的功夫是──搓圓掟扁！
這回  殺手無啥講話
烏手  也無閒咧掰會
講 阮應該會還恁土地！也打算欲劃一塊五公頃的地  予恁做耕作專用地！
你講 你未擱『搶』阮的地！也決定會『還』阮土地！
這是啥物話？？？
這是啥社會！！！