對安樂死ê看法，因為文化ê差異煞另有新解

前一陣，罹癌ê體育主播傅達仁投書hōo蔡英文總統，希望會凍促成「安樂死」立法。罹癌ê人口一直tī增加，每一个人求生抑是求死ê訴求，無仝款，用安樂死來結束病痛ê折磨離開世間，對病人來講是一種解脫；對醫生來講加速病人死亡，不是伊ê職責所在。

按資深演員高鳴ê自殺事件來看，本省人kap外省人因為文化背景ê無仝，對死亡遮件代誌處理方式kap面對是大大無仝。本省人認為生死是个人ê代誌，家己了結就ê；外省人煞貪生怕死，ka个人ê死亡beh合法化，會牽涉著其他相關ê問題，比如：財產繼承、健康保險kap仁道ê問題…..等等所衍生ê種種刑事ê問題。

生死是大代誌，「代理孕母」kap「安樂死」遲遲未立法，一方面是國情ê問題；另一方面會有足多糾紛，《同婚法》硬闖關通過，以合法掩護非法，有違背法律ê本意。無以異樣或有色眼光，看待男同志抑是女同志，查晡查某平權，會凍從教育上做起，不是ka伊認為是世界潮流煞立法。

對著因為意外，煞變成植物人ê案例，王曉明因為去學校ê路中乎車撞著，一場車禍變成不省人事ê植物人，曉明ê阿母幾落十冬ê照顧，希望會凍乎查某囡囝曉明「安樂死」，因為法規ê限制煞無法度執行。

該為誰立法？是不是該由當事者生前簽署同意書？誠如重病患者送入病院，會凍選擇簽字放棄繼續醫療急救ê同意書。一切ê立法是根據人道來立法，嘛愛考慮著國情kap執行上所遇著足濟糾紛ê必要性。

論壇屬作者個人意見，文責歸屬作者，本報提供意見交流平台，不代表本報立場。