【台語世界／錄音】文化是建設ê石磐

文化是國家族群ê根[nop]
語言是文化ê靈魂
無文化做底tì ê建設
一定走精
按怎看lóng真粗魯
破壞自然ê美感
對環境造成傷害
空有好看ê外殼
親像無靈魂ê性命[/nop]

有文化內涵ê建設[nop]
就是照頭理路來
政府bē烏白建設
環境得著保護
自然得著保護
一切ê建設
按怎看lóng真順眼
親像一件藝術ê作品
Hiah-nī充滿真善美[/nop]

無了解家己ê文化[nop]
就親像稻草人
親像塗沙粗糠
一陣風吹–來就無–去阿
一切建設lóng是假
一切經濟mā是假[/nop]

未曾學行就先學飛[nop]
吃無三把蕹菜就想beh上西天
國家若有深度
會hō͘人尊重
現代化先進
有主體性
Ài有文化做基礎
親像建立佇石磐
M̄驚天搖地choah[/nop]

Bûn-hòa sī kok-ka cho̍k-kûn ê kin.[nop]
Gí-giân sī bûn-hòa ê lêng-hûn.
Bô bûn-hòa chò té-tì ê kiàn-siat.
It-tēng cháu-cheng.
Án-chóaⁿ khòaⁿ lóng chin chho͘-ló͘.
Phò-hoāi chū-jiân ê bí-kám.
Tùi khoân-kéng chō-sêng siong-hāi.
Khang ū hó-khòaⁿ ê gōa-khak.
Chhin-chhiūⁿ bô lêng-hûn ê sèⁿ-miā.[/nop]
 
Ū bûn-hòa lāi-hâm ê kiàn-siat.[nop]
Tiō-sī chiàu thâu-lí-lō͘ lâi.
Chèng-hú bē o͘-pe̍h kiàn-siat.
Khoân-kéng tit-tio̍h pó-hō͘.
Chū-jiân tit-tio̍h pó-hō͘.
It-chhè ê kiàn-siat.
Án-chóaⁿ khòaⁿ lóng chin sūn-gán.
Chhin-chhiūⁿ chi̍t kiāⁿ gē-su̍t ê chok-phín.
Hiah-nī chhiong-boán chin-siān-bí.[/nop]

Bô liáu-kái ka-kī ê bûn-hòa.[nop]
Tō chhin-chhiūⁿ tiū-chháu-lâng.
Chhin-chhiūⁿ thô͘-soa chho͘-khng.
Chi̍t tīn hong chhōe–lâi tō bô–khì-ah.
It-chhè kiàn-siat lóng sī ké.
It-chhè keng-chè mā sī ké.[/nop]

Bōe-chēng o̍h kiâⁿ tō seng o̍h-poe.[nop]
Chia̍h bô saⁿ pé èng-chhài tō siūⁿ beh chiūⁿ se-thian.
Kok-ka nā ū chhim-tō͘.
Ē hō͘ lâng chun-tiōng.
Hiān-tāi-hòa sian-chìn.
Ū chú-thé-sèng.
Ài ū bûn-hòa chò ki-chhó͘.
Chhin-chhiūⁿ kiàn-ji̍p tī chio̍h-pôaⁿ.
M̄ kiaⁿ thiⁿ iô tē choah.[/nop]
讀hōo你聽：

文章屬作者個人意見，文責歸屬作者，本報提供意見交流平台，不代表本報立場。