İstanbul escort bayan sivas escort samsun escort bayan sakarya escort Muğla escort Mersin escort Escort malatya Escort konya Kocaeli Escort Kayseri Escort izmir escort bayan hatay bayan escort antep Escort bayan eskişehir escort bayan erzurum escort bayan elazığ escort diyarbakır escort escort bayan Çanakkale Bursa Escort bayan Balıkesir escort aydın Escort Antalya Escort ankara bayan escort Adana Escort bayan

- Advertisement -spot_img
21.9 C
Taiwan
2024 年 5 月 18 日
spot_img

【柳三變專欄】來自聾人和自閉症的靈感,打造更好的辦...

凱爾索·哈珀,喬治馬瑟(Kelso Harper, George Mus...

【王半山專欄】人工智能力量的悖論

文 / 攝影  王半山 2035 年,此時,人工智能無處不在。人工智能...

天邊孝子(女)症候群

大家聽過「天邊孝子(女)症候群」嗎?在長照議題中,天邊孝子不是壞人、不是...

重症失能失智者被看護挑選 被棄如敝屣的弱勢卻被當營...

張姮燕 ( Heidi Chang) 義守大學國際傳媒與娛樂管理學系助理...
-Advertisement-spot_img

【台語世界/錄音】人生ê功課

- Advertisement -spot_imgspot_img
- Advertisement -spot_img

文、錄音/A-ka(退休國小老師)

2020年八月,一ê熱人ê下晡,我tī病院ê門診等候看檢查ê報告。

醫生開chhùi問我講:「今仔日,kan-ta你一ê人來?」 阮心肝頭chhia̍k-chi̍t-tiô,知影一定是歹消息。想bē到我chiâⁿ實去得著奶仔癌,ài做進一步ê檢查,看歹物仔有湠出去別位- -無。醫生真專業,直直kā阮說明x。我kui ê人sòa gāng- -去,一句話mā聽bē入耳,心內挐chháng-chháng,煩惱後一步m̄知beh按怎行- -落-去。

後- -來,照醫生ê安排,先手術、做化療、才koh接受放射線治療。就按呢,bú超過半冬外ê時間,我走病院bē-su teh行灶kha仝款。彼當陣是我人生上蓋烏暗ê日子,日- -時食bē落、暗時睏bē去,身軀敢若m̄是家己ê。心情mā受著嚴重ê影響,有夠鬱卒ê,逐工目睭一thí開,目屎就póe bē離。M̄-nā身體虛lám,行路會phîn,外型也改變chiâⁿ濟,hō͘阮真無自信。我開始討厭照鏡、無ài出門、m̄敢見人,kā家己關tī一ê無形ê櫳仔內,驚人發現驚人知。

佳哉,親人ê陪伴佮朋友ê安慰,hō͘阮真大ê勇氣,才會得通一關拚過一關,完成所有ê治療。Sòa- -落-去,ài繼續食五冬ê藥仔,避免症頭又koh giâ- -起-來。M̄-kú,藥仔ê副作用hō͘阮kui身軀逐ê關節lóng會疼。醫生講:「無法度!你愛ta̍uh-ta̍uh-á去慣勢這種疼。」為著beh活命,對透早到暗就ài食一大堆藥仔,逐粒beh吞落去腹肚底lóng chiâⁿ艱難。想bē到人生欲順序行到尾站,竟然是chiah爾仔困難。

後- -來,我發現無論按怎怨嘆,mā無法度改變一切;m̄管按怎拍拚,身體mā好bē完全。阮ài重新接受這ê新ê家己,定期做追蹤檢查,珍惜猶會喘氣、活leh ê日子。我鼓勵家己調整心態,勇敢接受挑戰,堅強面對人生ê功課。

現此時,阮心內開始有光、有ǹg望。阮相信「美麗」會koh倒轉- -來,用無仝款ê型態。這ê過程有可能會比刺毛蟲化身變做蝶仔koh khah辛苦,需要koh khah久長ê等待。

世事無常,現實ê人生定定使人心碎。艱苦病疼逐ê人加減lóng有,死亡是早慢ê代誌,無人會當閃避。阮一直到受著「破病ê苦」才知影,家己一直活tī幸福當中,性命m̄-nā是不止仔珍貴,koh有伊寶貴ê意義。我ài好好仔疼惜家己,chiâⁿ做這世人獨一無二、上súi ê存在。

相信有一日,阮一定會看見天公伯仔所賞賜ê禮物。

台灣字(白話字)版
Jîn-seng ê Kong-khò

2020 nî 8- -goe̍h, chi̍t ê joa̍h- -lâng ê ē-po͘, góa tī pēⁿ-īⁿ ê mn̂g-chín tán-hāu khòaⁿ kiám-cha ê pò-kò.

I-seng khui-chhùi mn̄g góa kóng, “Kin-á-ji̍t, kan-ta lí chi̍t ê lâng lâi?” Gún sim-koaⁿ-thâu chhia̍k-chi̍t-tiô, chai-iáⁿ it-tēng sī pháiⁿ siau-sit. Siūⁿ-bē-kàu góa chiâⁿ-si̍t khì tit-tio̍h ni-á-gâm, ài chò chìn-chi̍t-pō͘ ê kiám-cha, khòaⁿ pháiⁿ-mi̍h-á ū thòaⁿ chhut-khì pa̍t-ūi- -bô. I-seng chin choan-gia̍p, ti̍t-ti̍t kā gún soat-bêng. Góa kui-ê lâng soah gāng- -khì, chi̍t-kù-ōe mā thiaⁿ bē ji̍p-ní, sim-lāi jû-chháng-chháng, hoân-ló āu-chi̍t-pō͘ m̄-chai beh án-chóaⁿ kiâⁿ- -lo̍h-khì.

Āu- -lâi, chiàu i-seng ê an-pâi, seng chhiú-su̍t, chò hòa-liâu, chiah koh chiap-siū hòng-siā-sòaⁿ tī-liâu. Chiū án-ne, bú chhiau-kòe pòaⁿ-tang-gōa ê sî-kan, góa cháu pēⁿ-īⁿ bē-su teh kiâⁿ chàu-kha kâng-khoán. Hit-tang-chūn sī góa jîn-seng siōng-kài o͘-àm ê ji̍t-chí, ji̍t- -sî chia̍h-bē-lo̍h, àm-sî khùn-bē-khì, sin-khu ká-ná m̄-sī ka-kī- -ê. Sim-chêng mā siū-tio̍h giâm-tiōng ê éng-hióng, ū-kàu ut-chut- -ê, ta̍k-kang ba̍k-chiu chi̍t thí-khui, ba̍k-sái tō póe bē-lī. M̄-nā sin-thé hi-lám, kiâⁿ-lō͘ ē phîn, gōa-hêng iā kái-piàn chiâⁿ chē, hō͘ gún chin bô chū-sìn. Góa khai-sí thó-ià chiò-kiàⁿ, bô ài chhut-mn̂g, m̄-káⁿ kìⁿ- -lâng, kā ka-kī koaiⁿ tī chi̍t ê bô-hêng ê lông-á-lāi, kiaⁿ lâng hoat-hiān, kiaⁿ lâng chai.

Ka-chài, chhin-lâng ê pôe-phōaⁿ kap pêng-iú ê an-ùi, hō͘ gún chin tōa ê ióng-khì, chiah ē-tit-thang chi̍t koan piàⁿ kòe chi̍t koan, oân-sêng só͘-ū ê tī-liâu. Sòa- -lo̍h-khì, ài kè-sio̍k chia̍h 5 tang ê io̍h-á, pī-bián chèng-thâu iū-koh giâ- -khí-lâi. M̄-kú, io̍h-á ê hù-chok-iōng hō͘ gún kui sin-khu ta̍k ê koan-chat lóng ē thiàⁿ. I-seng kóng, “Bô-hoat-tō͘, lí ài ta̍uh-ta̍uh-á khì koàn-sì chit-chióng thiàⁿ.” Ūi-tio̍h beh oa̍h-miā, ùi thàu-chá kàu àm tō ài chia̍h chi̍t-tōa-tui io̍h-á, ta̍k-lia̍p beh thun-lo̍h-khì pak-tó͘-té lóng chiâⁿ kan-lân. Siūⁿ-bē-kàu jîn-seng beh sūn-sī kiâⁿ kàu bóe-chām, kèng-jiân sī chiah-nī-á khùn-lân.

Āu- -lâi, góa hoat-hiān bô-lūn án-chóaⁿ oàn-thàn, mā bô-hoat-tō͘ kái-piàn it-chhè. M̄-koán án-chóaⁿ phah-piàⁿ, sin-thé mā hó bē oân-choân. Gún ài tiông-sin chiap-siū chit ê sin ê ka-kī, tēng-kî chò tui-chong kiám-cha, tin-sioh iáu ē chhoán-khùi oa̍h- -leh ê ji̍t-chí. Góa kó͘-lē ka-kī tiâu-chéng sim-thài, ióng-kám chiap-siū thiau-chiàn, kian-kiông bīn-tùi jîn-seng ê kong-khò.

Hiān-chhú-sî, gún sim-lāi khai-sí ū kng, ū ǹg-bāng! Gún siong-sìn “bí-lē” ē koh tò-tńg- -lâi, iōng bô kâng-khoán ê hêng-thài. Chit ê kòe-thêng ū khó-lêng ē pí chhì-mô͘-thâng hòa-sin piàn-chò ia̍h-á koh-khah sin-khó͘, su-iàu koh-khah kú-tn̂g ê tán-thāi.

Sè-sū bû-siông, hiān-si̍t ê jîn-seng tiāⁿ-tiāⁿ sú lâng sim chhùi. Kan-khó͘ pēⁿ-thiàⁿ ta̍k ê lâng ke-kiám lóng ū, sí-bông sī chá-bān ê tāi-chì, bô lâng ē-tàng siám-pī. Gún it-ti̍t kàu siū-tio̍h “phòa-pēⁿ ê khó͘ ” chiah chai-iáⁿ, ka-kī it-ti̍t oa̍h tī hēng-hok tang-tiong, sèⁿ-miā m̄-nā sī put-chí-á tin-kùi, koh ū i pó-kùi ê ì-gī. Góa ài hó-hó-á thiàⁿ-sioh ka-kī, chiâⁿ-chò chit-sì-lâng to̍k-it-bû-jī siōng-súi ê chûn-chāi.

Siong-sìn ū chi̍t-ji̍t, gún it-tēng ē khòaⁿ-kìⁿ thiⁿ-kong-peh-á só͘ siúⁿ-sù ê lé-mi̍h.

讀hōo你聽:

本文僅代表作者立場,不代表本平台立場

分享文章

Facebook Comments 文章留言

- Advertisement -spot_img
編輯中心
編輯中心https://vigormedia.tw/
銳傳媒 編輯中心 https://vigormedia.tw/

Latest news

Related news